محترم حضرت حکیم صاحب السلام علیکم! ملازمت سے ریٹائرمنٹ کے بعد کچھ کام کرنے کو نہیں مل رہا تھا، میرے ایک دوست نے مشورہ دیا کہ مویشیوں کا کام شروع کرو، اس میں بہت برکت اور منافع بھی ہے۔ میں نے ریٹائرمنٹ کی ساری رقم سے گائے بھینسیں خرید لیں اور زرعی زمین کو باڑے کی شکل دے کر اس میں تمام جانورو ں کو رکھا ان کی دیکھ بھال شروع کی۔ مجھے پہلے پہلے بہت سی مشکلات سے دو چار ہونا پڑا، آئے دن مویشیوں کا ڈاکٹر میرے باڑے میں ہوتا تھا کوئی نہ کوئی گائے یا بھینس بیمار ہو جاتی خصوصاً سردیوں میں زیادہ مشکلات کا سامنا کرنا پڑتا تھا۔ میری بہت ہی قیمتی گائے ایک دن جب میں صبح اس کو چارہ ڈالنے گیا تو وہ اٹھ نہیں پارہی تھی اس کی ٹانگیں کام کرنا چھوڑ گئیںمیں پریشان ہوگیا۔ میں نے دوست کو فون کیا اور تمام صورتحال سے آگاہ کیا اس نے مجھے کہا کہ اس کو اُونٹ کی ہڈی کا چورا کھلائو۔ طریقہ یہ تھا کہ اُونٹ کی ہڈی کو جلا کرراکھ بنانی ہیں اور اس کو مکھن کے ساتھ دینا ہے میں نے دو ٹائم دیا لیکن کوئی فرق محسوس نہیں ہوا۔ پھر میرے ذہن میں آیا کہ گائوں کے اندر بھی ایک باڑہ ہےکیوں نہ میں اس کے مالک سے مشورہ کروں۔ میں دوپہر کے وقت گیا اور ان سے ملاقات کی اور اپنی پریشانی بیان کی اس نے کہاکہ پریشان ہونے کی ضرورت نہیں اکثر ایسا ہو جاتا ہے۔ تم ایسا کرو پنساری سے ثناءمکی نام کی ایک بوٹی ملتی ہے وہ سو روپے کی لے لو اس کو چار حصوں میں تقسیم کرو اور اس طرح ایک حصے کو ابال کر ٹھنڈا کرکے گائے کو پلادو ان شاء اللہ دو دن کے اندر اندر تمہاری گائے ٹھیک ہو جائے گی۔ میں نے ان کے بتائے ہوئے ٹوٹکہ پر عمل کیا اور واقعی دو دن میں میری گائے بالکل ٹھیک اور چلنا پھرنا شروع ہوگئی۔ اس کے علاوہ انہوں نے مجھے دو اور ٹوٹکے بتائے کہ:
گائے، بھینس یا بکری جیر نہ پھینکتی ہو!
جو گائے ، بھینس یا بکری بچہ دینے کے بعد جیر نہ پھینکےاس کو جننے کے ایک گھنٹہ بعد آم کے پتے تھوڑے سے کھلا دیں جلدجیر نکال دے گی۔
جانور کا پیٹ پھول جائے تو!
تیسرا ٹوٹکہ یہ دیا کہ جس جانور کا پیٹ پھول جائے اس کے ایک کان کو دو منٹ کھینچیں اسی طرح بعد میں دوسرے کان کو کھینچیں تھوڑی دیر میں پیٹ پھولا ختم ہو جائے گا۔میں نے یہ ٹوٹکے آزمائے اور ہمیشہ فائدہ پایا۔ (عبدالغفار، کوٹ ادو)

کسان دوست عبقری کا ساتھ دیں
قارئین!آپ نے کوئی ٹوٹکہ روحانی ہو یا طبی، جانوروں اور فصلوں کی بیماری میں آزمایا ہو یا سناہو، یا آپ نے گھر میں پودے لگائے ہیں یا گھر میں پرندے یا کوئی پالتو جانور رکھا ہے تو اپنے آزمودہ ٹوٹکے ضرور بھیجیں۔ بیماری کا نام اور دوائی کا نام واضح لکھیں تاکہ دوسرے بھی آسانی سے پہچان سکیں آپ کے چھوٹے سے ایک ٹوٹکے سے لاکھوں کا بھلا ہوگا اور آپ کیلئے قیامت تک کیلئے صدقہ جاریہ اس عمل میں غفلت نہ کریں۔

جانور شفاء: سالہا سال کے مسلسل تجربات کے بعد عبقری کی جانور شفاء جانوروں کیلئے اور ان کی تمام بیماریوں کیلئے شفاء ہے۔ جانور کو موٹا تازہ صحت مند، سدا بہار رکھنے کیلئے جانور شفاء مویشی پال حضرات کیلئے بہت ضروری ہے۔